By -

 

Te Rā DFI Tuatahi 30/7/2021 


Te Paraire te 30 o Hūrae
He rā nui, he rā roa te rā tuatahi o te DFI, n reira e tika ana kia mihi rā ki ngā kaiako/whakangāwari i 'ngāwari' ai nga mahi i te rā nei.
Ko te akoranga nui i mau i a au mō Manaiakalani, ko tōna hōrapa haere i roto i ngā tau. Nō te 2014 pea, i tae atu ai tētahi tira nō Te Rito ki ngā kura Tāmaki, arā, a Point England, te Kāreti o Tāmaki hoki. I reira ka kitea te tino pito mata i roto i te kaupapa nei hei whakawhanake i ngā ākonga i roto i ao hou nei, arā te ao matihiko.


He nui ngā mea i ākona i roto i ngā awheawhe, mai i te hanga i ngā 'group', ki ngā mahinga hou o te 'docs', tae rawa ake ki ngā mahi rangitaki. I ako hoki i te 'voice typing'. Ahakoa ka whai hua pea ki a au, i te korenga o te reo Māori, kua kore e whai painga ki aku tamariki. Ko ngā poka tata tētahi o ngā tino akoranga, mā konei e tere ake ai, e ngāwari ake ai te whakarite i āku mahi.



Ka kitea te pito mata mō taku akomanga. ahakoa kua whāngaihia rātou ki ngā akoranga a Matua Makaore i te tau kua hipa, e taea ana e au te tautoko i tā rātou whai i tēnei ara. Waihoki, e kitea ana ka whāngai tonu i ētahi akoranga anō e tino eke ai ā rātou mahi waihanga, e whakahīhī ai rātou ki te toha i ā rātou mahi.

Mōku ake nei, i roto anō i āku mahi ake, ka kitea ngā hua o te mahi nei. He nui aku mahi whakamāori, a, ka kitea te pānga o tēnei ki ērā mahi. Heoi, ka kitea hoki ngā pānga o te hanga pānui, o te tuku kōrero, o te whkamōhio atu ki tōku whānau, ki o˚u hoa hoki.

Nei rā te mihi a te ngākau iti ki a koutou o Manaiakalani e hāpai nei i tēnei kaupapa hei oranga mō tātou, otirā, mō ā tātou tamariki hoki.

Comments

Post a Comment

Popular posts from this blog

Te Wiki Tuarima DFI

By -
Te Wiki Tuarima DFI Me mihi rā, ka tika ki te kaupapa o Manaiakalani i arohia i tenei wiki, otirā ki tōna kaha ki te hāpai i tenie kapapa hei oranga mō ā tātou tamariki. Te Kaupapa o Manaiaakalani -Ariari Ko te kaupapa o Manaiakalanai i arohia i tenei wiki ko te ariari, arā, kia kitea awatia ngā mahi ako a ngā tamariki, otirā nga mahi whakaako a ngā kaiako. Ko te whai hoki ki pīataata ngā mahi whakapoapoa i te tamaiti ki te aro ki ngā mai kua whakriyea. Matarau/ Tuhirau Ko te matarau, arā kiatini ngā mata e whakaaturia ana ki ngā tamariki, kia whakaritea  ngā matarau e whakaratohia ai he taiaoa ako mō ngā momo taera ako katoa. Hapara - ngā āheinga toha He pai hoki tēnei wāhanga, arā te whakmhi i a hapara hei toha i ngā mahi ki ngā tamariki, e kite hoki ai te jaiako e mahia ana e ngā tamariki. Paenga Kūkara (Sites) He Maramataka Māori Ahakoa  kua tīmata kē au ki te aro ki ngā mahi, he rawe tēnei whakangungu hei whakatupu i taku māramatanga, i taku mātauranga hoki ki ngā tini ā...
Read more
By -
  Rā Tuarua DFI - Paraire 6 o Akuhata: He rā nui anō te rā nei. He nui anō ngā akoranga. Me mihi, ka tika, ki te kāhui kaiako/whakangāwari e ārahi nei i te hunga kāpō, hunga turi, hunga kuare hoki ki ngā mahi nei. Manaiakalani - Ako - Ko te aro ki ngā ariā ako (pedagogy) e whāia nei e Manaiakalani, otirā, te akiaki kia whai atu i nga āhuatanga whānui ki ngā ariā hei tautoko i ngā mahi ako i roto i ngā akomanga He rawe te hoki anō ki ngā mahi Hapara. Ahakoa e whakamahia ana tēnei, he nui anō ōna āheinga hei ako māku. He rawe hoki te  Meet, arā - te tāmau i te kiriata, kia pai ai te whai a aku ākonga i ngā akoranga kua oti kē. He pai hoki te Māramataka Kukara, otirā, ōna āheinga hei tautoko i aku whakahaere. He pai hoki te aro ki ngā īmēra, arā, kia āta whakaritea aku īmērā e ngāwari ai te whakahaere. Ko tētahi mea nui anō ki a au, ko te 'whakarata i ō tabs!!" Te whakarite hei rōpū, te 'pin' hoki i ngā 'tabs'. Ko tētahi kaupapa e whāia ana e taku akomanga i tēne...
Read more