Rā Tuarua DFI - Paraire 6 o Akuhata:
He rā nui anō te rā nei. He nui anō ngā akoranga. Me mihi, ka tika, ki te kāhui kaiako/whakangāwari e ārahi nei i te hunga kāpō, hunga turi, hunga kuare hoki ki ngā mahi nei.
Manaiakalani - Ako - Ko te aro ki ngā ariā ako (pedagogy) e whāia nei e Manaiakalani, otirā, te akiaki kia whai atu i nga āhuatanga whānui ki ngā ariā hei tautoko i ngā mahi ako i roto i ngā akomanga
He rawe te hoki anō ki ngā mahi Hapara. Ahakoa e whakamahia ana tēnei, he nui anō ōna āheinga hei ako māku. He rawe hoki te Meet, arā - te tāmau i te kiriata, kia pai ai te whai a aku ākonga i ngā akoranga kua oti kē. He pai hoki te Māramataka Kukara, otirā, ōna āheinga hei tautoko i aku whakahaere.
He pai hoki te aro ki ngā īmēra, arā, kia āta whakaritea aku īmērā e ngāwari ai te whakahaere.
Ko tētahi mea nui anō ki a au, ko te 'whakarata i ō tabs!!" Te whakarite hei rōpū, te 'pin' hoki i ngā 'tabs'.
Ko tētahi kaupapa e whāia ana e taku akomanga i tēnei wā, ko ngā reo o Te Pito o te Henua, arā, te reo Rapanui me te reo Paniora. Ka mahia ngā 'meets' e whakawhiti kōrero ai rātou i roto i ngā reo nei, ka hopukina ai, kia tāmautia hoki ai ngā kiriata nei ki ā rātou whārangi ake.
Mauri ora kia koe Clayton, rawe ngā mahi i whakamahi ki te taha o te google meet me te hanga taunaki hoki. :)
ReplyDeleteTēnā anō e te tuakana,
ReplyDeleteTe āhua nei, kei te whai hua tō noho atu ki ēnei momo wānanga. Kua mau pai hoki i a koe ngā momo pūkenga kua tukua.
Ngā mihi anō
Nā Makaore