Te Rangitaki Ngaio a Clayton

  Te Rā DFI Tuawhā Ko te aronga o te rā nei, ko te 'Tuari'! Arā, te oha haere i ō mahi, i ō whakaaro. Puka Kūkara (forms) He pai tēnei akoranga. He pērā anō i ngā akroanga katoa, he whāwhai, heoi i whai wā tonu ki te waihanga i tētahi puka, e rawekehia ai tēnei āheinga.  Anei te hua o tēnei:  He Uiui Puoro Heoi, ko taua kōrero tonu, e pūruatia ai te moko, me whakawai, whakaharatau, me raweke. Mahere Kūkara He pai tonu tēnei mahi. Ka tino whai pānga ki ngā mahi ka mahia i te kura. I tēneiwā, ko Te Moana nui a Kiwa, otirā ko ōna tini motu, ōna tini wāhi. Ripanga - Kūkara He pai ngā akoranga nei

Te Rā Tuatoru o DFI   Kātahi te rā nui ko tēnei!! He tini ngā akoranga i tēnei rā, he nui ngā hua kua whakawhiwhia mai ki a au, otirā, ki aku tamariki ā tōna wā.

  Rā Tuarua DFI - Paraire 6 o Akuhata: He rā nui anō te rā nei. He nui anō ngā akoranga. Me mihi, ka tika, ki te kāhui kaiako/whakangāwari e ārahi nei i te hunga kāpō, hunga turi, hunga kuare hoki ki ngā mahi nei. Manaiakalani - Ako - Ko te aro ki ngā ariā ako (pedagogy) e whāia nei e Manaiakalani, otirā, te akiaki kia whai atu i nga āhuatanga whānui ki ngā ariā hei tautoko i ngā mahi ako i roto i ngā akomanga He rawe te hoki anō ki ngā mahi Hapara. Ahakoa e whakamahia ana tēnei, he nui anō ōna āheinga hei ako māku. He rawe hoki te  Meet, arā - te tāmau i te kiriata, kia pai ai te whai a aku ākonga i ngā akoranga kua oti kē. He pai hoki te Māramataka Kukara, otirā, ōna āheinga hei tautoko i aku whakahaere. He pai hoki te aro ki ngā īmēra, arā, kia āta whakaritea aku īmērā e ngāwari ai te whakahaere. Ko tētahi mea nui anō ki a au, ko te 'whakarata i ō tabs!!" Te whakarite hei rōpū, te 'pin' hoki i ngā 'tabs'. Ko tētahi kaupapa e whāia ana e taku akomanga i tēne...

  Te Rā DFI Tuatahi 30/7/2021  Te Paraire te 30 o Hūrae He rā nui, he rā roa te rā tuatahi o te DFI, n reira e tika ana kia mihi rā ki ngā kaiako/whakangāwari i ' ngāwari'  ai nga mahi i te rā nei. Ko te akoranga nui i mau i a au mō Manaiakalani, ko tōna hōrapa haere i roto i ngā tau. Nō te 2014 pea, i tae atu ai tētahi tira nō Te Rito ki ngā kura Tāmaki, arā, a Point England, te Kāreti o Tāmaki hoki. I reira ka kitea te tino pito mata i roto i te kaupapa nei hei whakawhanake i ngā ākonga i roto i ao hou nei, arā te ao matihiko. He nui ngā mea i ākona i roto i ngā awheawhe, mai i te hanga i ngā 'group', ki ngā mahinga hou o te 'docs', tae rawa ake ki ngā mahi rangitaki. I ako hoki i te 'voice typing'. Ahakoa ka whai hua pea ki a au, i te korenga o te reo Māori, kua kore e whai painga ki aku tamariki. Ko ngā poka tata tētahi o ngā tino akoranga, mā konei e tere ake ai, e ngāwari ake ai te whakarite i āku mahi. Ngā Motu o te Moana nui a Kiwa Ka kitea te pi...